As Nosas Historias

Lugar de Celebración

Pazo do Tambre

18:00

Loureiro, Cando
Outes, Noia
Galiza
GPS: 42°49'53.7"N 8°51'43.8"W

Como Chegar

Haberá autocares de voda que irán do centro de Santiago ao Pazo.

A saída será ás 16:15 ao lado da parada de bus da Praza de Galiza:

Lista de Voda

Non temos ningunha lista de voda – a túa presenza ese día é o mellor agasallo que nos podes facer!

Se aínda así che gustaría contribuires á nosa lúa de mel, podes atopar unha maneira de facelo aquí.

"Europa fíxose peregrinando a Compostela" ~ Johann Wolfgang von Goethe

Onde Aloxarse

Hotel Literario San Bieito ★★★ – Un hotel situado a poucos metros da Catedral. Todos os cuartos están equipados con TV intelixente, minibar gratuíto e baño privado con ducha. Tamén ofrece recepción automatizada aberta as 24 horas e un almorzo bufete gratuíto as 24 horas.

PR Fornos ★★★ – Con xenerosas vistas aos xardíns da Praza Galiza, esta pensión atópase a só 300 m da Catedral. O autobús que vai ao aeroporto para nesa mesma praza. Os seus cuartos son modernos e elegantes, cunha decoración minimalista e chan de madeira, e todos eles contan cun baño completo.

Hotel Entrecercas ★★ – Este pequeno hotel de xestión familiar ofrece unha excelente relación calidade-prezo. O edificio antigo, de pedra, foi restaurado conservando o seu encanto orixinal e os seus arcos de madeira. Os cuartos están decorados de forma sinxela e todos dispoñen dun pequeno baño con ducha.

O Xardín de Julia ★★ – Unha bonita pensión no centro antigo, cun xardín traseiro que é o selo de identidade que da nome ao hotel. Os cuartos están equipados con televisión e baño, e algúns deles teñen vistas ao xardín ou á cidade. Tamén ofrecen alugamento de bicicletas.

Hotel San Clemente ★★ – Un hotel familiar que data do século XVII, situado entre o Parque da Alameda e o centro antigo. Conserva moitas das súas características orixinais, como as paredes de pedra e as vigas de madeira. Unha boa opción para aqueles que gustan dun toque rural dentro da cidade.

Se preferires aloxamento alternativo, podes usar este cupón que ofrecemos a aqueles que reserven por primeira vez un apartamento en AirBnB.

Que Ver

Praza do Obradoiro – A gran praza situada en fronte da fachada occidental da catedral recibe o seu nome en alusión ao obradoiro de canteiros que estaba presente na praza durante a construción da catedral. Está rodeada por catro edificios importantes, que representan os catro poderes da cidade: a Catedral no leste (a Igrexa), o Hostal dos Reis Católicos (a burguesía) no norte, o Pazo de Raxoi (Concello de Santiago) no oeste e o Colexio de San Xerome (parte da Universidade de Santiago) no sur.

Catedral de Santiago – No corazón de Compostela, a Catedral elévase sobre o centro da cidade nunha espléndida mestura de agullas e esculturas. Dispón do seu propio museo dentro, onde se pode ver unha impresionante colección de arte relixiosa.

Hostal dos Reis Católicos – Este edificio foi construído a comezos do século XVI por orde dos Reis Católicos Isabel e Fernando, como centro de recuperación para peregrinos. Posteriormente converteuse nun orfanato e un centro de asilo. Hoxe en día é un parador e alberga visitantes adiñeirados, aínda que os seus patos principais están abertos ao público.

Colexio de Fonseca – Xusto no sur da catedral, e na parte oeste da Praza de Fonseca, atópase o Colexio de Fonseca, cun bonito patio renacentista e dúas galerías de arte. Este colexio foi tamén a primeira sede da Universidade de Santiago (fundada en 1495).

Parque da Alameda – Os xardíns do Parque da Alameda eran áreas de recreo da cidade na época medieval. O parque contén varios monumentos, sendo o máis famoso a escultura das “Marías”: dúas irmás moi famosas na cidade durante a segunda metade do século XX. Após desenvolveren unha doenza mental por causa da morte de todos os seus irmáns na Guerra Civil Española, tiñan o costume de saíren a camiñar pola Alameda ás dúas da tarde con vestidos e maquillaxe extravagantes e dedicando piropos aos estudantes universitarios que por alí camiñaban.

Mercado de Abastos – O segundo lugar máis visitado da cidade despois da Catedral, o Mercado de Santiago é un sitio fascinante, con multitude de produtos frescos do mar e as granxas do país, distribuídos en máis de 300 postos. Está aberto de segunda feira a sábado, das 7 ás 15 horas. 

Museo do Pobo Galego – A pouca distancia da zona antiga, este museo etnográfico do pobo galego alberga unha gran cantidade de exhibicións sobre o modo de vida tradicional galego, desde barcos de pesca a gaitas, pasando por vestimentas tradicionais e antigas imprentas.

Museo das Peregrinacións e de Santiago – Desde a súa renovada sede na Praza das Praterías, o Museo das Peregrinacións e de Santiago explica con gran detalle o fenómeno de Santiago (o santo e a cidade) ao longo dos séculos.

Para máis información, visita a Páxina Web Oficial de Turismo da cidade.

Onde Comer

O Dezaseis – Unha visita obrigada se estás á procura de receitas galegas xenuínas 

Bierzo Enxebre – Comida tradicional galega e unha gran colección de viños

Cinco Sete, Casa de Xantar – O polbo á feira é a súa gran especialidade

A Horta do Obradoiro – Se che apetece comer marisco nun xardín, este é o teu lugar

O Boteco – Para unha boa combinación de viños e petiscos

Casa Marcelo – Fusión das cociñas galega e asiática, unha xoia oculta

Abastos 2.0 – Comida sacada directamente do Mercado de Abastos

Onde Beber

Modus Vivendi – O pub cultural máis antigo de Galiza, cheo de diferentes licores

A Casa das Crechas – Un céntrico pub con música celta e sesións improvisadas despois das 22:00

O Filandón – Deixa atrás a tenda de queixos da entrada para obteres petiscos de xamón con cada bebida

Cervexería Xuntanza – Non perdas as súas cervexas artesanais e elaborados petiscos

Borriquita de Belém – Para unha atmosfera relaxada, mojitos, viño, e jazz & blues en vivo

A Reixa – Unha institución en Compostela, este bar musical ofrece música en directo varias noites por semana

A Garoa – Un lugar coa fama de faceren os mellores cócteles da cidade